ILOILO CITY – Daku ang mabulig sang urban gardening ilabi na subong nga may yara sang pandemic sa pungsod.
Sa Good Monrning Philippines program, ginpahayag ni Nhilda Causing, isa ka Urban Gardening Advocate, nga mismo sila nga mag-ulutod ang nagdesisyon nga magtanum sang ulutanon kag ornamental plants.
Suno kay Causing, indi lamang ang mga naga-istar sa uma ang maka-angkon sang garden kundi lakip man ang mga naga-istar sa syudad kun sa diin ang pagkapisan lamang ang kapital.
Ginpahayag ni Causing nga sa ila garden, makita ang nanari-sari nga ornamental plants kag ang ulutanon kasubong sang pechay apang bangud limitado ang espasyo, ginahimo nila nga talamnan ang plastic water bottle.
Sa subong nga ginapatuman ang Enhanced Community Quarantine, ginpahayag sang natungdan nga indi na nila kinahanglan pa nga magpadulong sa merkado agud magbakal sang ulutanon bangud nga may yara na sila ang kaugalingon nga garden.
