Magapungko bilang pinaka una nga babayi nga presidente sang European Commission si Ursula von der Leyen matapos ini ang nagdaog sa European Parliament.
Si Von der Leyen ang labing una nga German sa nasambit nga posisyon sa masobra 50 ka tuig.
Sa ginpatigayon nga secret ballot, ang mga Member of the European Parliament ang nagboto agud suportahan ang German defence minister bilang kabaylo kay Jean-Claude Juncker nga magapanaog sa pwesto sa Oktubre.
Nagdaug ini matapos nag-angkon sang 383 ka boto, nga siyam ka boto nga mas mataas sa gina-require nga boto agud masiguro ang absolute majority apang mas manubo naman sa 400 threshold nga magahatag kuntani sa iya sang estable nga mayorya agud mapatuman ang iya polisa sa parliament sa masunod nga lima ka tuig.
