ESTADOS UNIDOS – Magadesisyon na sa Nobyembre3 ang mga tawo sa Estados Unidos kun bala magapabilin sa masunod nga apat ka tuig sa White House si Donald Trump.
Ang Republican President ang mangin kasumpong ni Democratic Part nominee Joe Biden nga kilala bilang Vice President ni Barack Obama.
Samtang nagahilapit ang adlaw sang eleksyon, ginatinguhaan sang mga polling companies nga mapasangkad pa ang mood sang mga Americans sa pagsabat sang pagpamangkot kun sin-o bala sa duha ang ila nga nahamut-an.
Sa subong, nagapanguna si Biden sa national presidential polls.
Apang indi pa dapat magpakampante si Biden bangud kun madumduman sang 2016, nagpanguna man si Hillary Clinton sa mga polls kag napyerde man lang batuk kay Trump.
As of October 18, adlaw sa Estados Unidos, si Biden ang nakakuha sang 52% votes samtang 42% naman ang nagboto pabor kay Trump.
