Makaboto gihapon ang Republican presidential candidate nga si former United States President Donald Trump sa state sang Florida subong nga adlaw apisar nga na-convict ini sa felony crimes.
Si Trump, 78, amo ang labing-una nga former American president sa maragtas sang nasyon nga nadeklarar sang huwes nga guilty kasunod sang 34 charges bangud sa scheme nga iligal nga impluwensyahan ang 2016 election paagi sa hush money payment sa isa ka porn actress nga si Stormy Daniels.
Apisar na-anunsyo na direkta halin sa Manhattan, New York ang desisyon nga convicted si Trump sang Mayo, natalana nga ipaguwa ang sentensya sini sa Nobyembre 26.
Sa idalom sang layi sa Florida, kun ang isa ka botante ang may yara sang out-of-state conviction, iga-defer sang Florida sa layi sang sina nga state kun paano makuha liwat sang felon ang iya nga kinamatarong sa pagboto.
Para sa kaso ni Trump, buot silingon sini, makabenepisyo siya sa 2021 law sang New York nga nagapahanugot sa mga tawo nga may felony convictions nga magboto sa kondisyon nga wala sila nagaserbe sang term of incarceration sa tion sang eleksyon.
Kaangot diri, sa Palm Beach, Florida magaabot si Trump subong nga adlaw para nga magboto.
Ini na ang ikatatlo nga tion nga magaboto ang 78-anyos para sa iya kaugalingon sa General Election presidential race.
Sang 2020, nagboto siya sa Palm Beach County Library System Main Library kag sang amo nga tion, siya ang first incumbent US president nga nagboto sang personal bilang isa na ka Florida resident.
