Gina-imbestigaran sang United States intelligence officials ang email account nga nagagamit sang Russian internet domain bilang potensyal nga ginhalinan sang ginaalegar bomb threats kadungan sang election day sa state sang Georgia.
Nagaguluwa subong ang inisyal nga impormasyon nga pila sini nga mga pamahog ang naghalin sa Moscow.
Wala naman sang kumpirmasyon ang American officials kun halin gid man sa Russia ang ginpang-email nga threats.
Ginalantaw sang mga imbestigador ang history sang mga aktibidad sang email account agud matumod kun sin-o ang yara sa likod sini.
Ini nga non-credible threats ang nag-resulta sa temporary closure sang polling places sa Union City sa guwa sang Atlanta suno sa Fulton County police.
“We’ve heard some threats that were of Russian origin,” pahayag naman ni Georgia Secretary of State Brad Raffensperger. Wala sini ginpatpat ang dugang nga mga detalye samtang nagapadayon ang imbestigasyon.
****
Magpadayon sa pagbantay sa US election updates sa Bombo Radyo Philippines nga dal-on sang masobra 150 ka Bombo International correspondents direkta halin sa nagkalain-lain nga states sa Estados Unidos sang Amerika.#
