Arestado ang isa ka lalaki sa Michigan matapos nagpamahog nga magahimo sang pagpang-atake pananglitan magdaog sa pagkapresidente sa 2024 US elections si former President kag subong Republican candidate Donald Trump.
Suno sa Department of Justice, ang gindakop amo si Isaac Sissel, 25, residente sang Ann Arbor sa battleground state sang Michigan.
Ginaalegar nga ginpadala sini ang pamahog sa FBI National Threat Operations Center sang Nobyembre 2.
Base sa court records, yari ang nakabutang sa alleged threat:
“I shall carry out an attack against conservative christan, (sic) filth in the event trump wins the election. I have a stolen ar15 and a target I refuse to name so I can continue to get away with my plans. Without a specific victim or ability to find the place I hid the gun, there’s not a thing the FBI can do until I complete the attack.”
Natabo naman ang pag-aresto sa iya sang FBI sa adlaw mismo sang eleksyon.
Natalana ini mag-atubang sa federal court karon sa hapon.
**
Magpadayon sa pagbantay sa US election updates sa Bombo Radyo Philippines nga dal-on sang masobra 150 ka Bombo International correspondents direkta halin sa nagkalain-lain nga states sa Estados Unidos sang Amerika.
