Siraduhon ang mga embahada kag iban pa nga foreign missions sang Estados Unidos sang Amerik sa bilog nga kalibutan sa Enero 9 kadungan sang national day of mourning para kay late US president Jimmy Carter.
Ipatuman ini matapos nagpaguwa si US President Joe Biden sang executive order nga nagamandu sa tanan nga departments kag ahensya sang US federal government nga magasirado bilang respeto sa ika-39 nga presidente sang pungsod.
Si Carter nga nagtaliwan sa edad nga 100-anyos ang kilala nga Nobel peace laureate nga nagdaku sa Georgia kag nagpamuno sa US halin sang 1977 tubtub sang 1981.
Ginbawian siya sang kabuhi sa iya hometown sa Plains, Georgia.
