MANILA – Nagpaguwa sang travel advisory ang United States Embassy may kaangtanan sa nagataas nga numero sang Coronavirus Disease 2019 (COVID-19) cases sa Pilipinas.
Sa travel advisory, ginpahayag sang embassy nga ang Centers for Disease Control and Prevention ang nagpaguwa sang level 3 Travel Health Notice batok sa Pilipinas.
Magluwas sa COVID-19 cases, nalakip man sa mga rason ang tuhoy sa lapnagon nga krimen nga nagakatabo kasubong sang terorismo, civil unrest, kidnapping kag nalakip man ang measles outbreak.
Ginapaandaman ang mga travellers nga indi magpadulong sa Sulu Archipelago kag sa Marawi City.
Nahibalu-an nga as of August 6, nalapawan na sang Pilipinas ang Indonesia bilang hotspot sang COVID-19 sa Southeast Asia.
