Ginhatagan sang pila lang ka semana ang tunga sa milyon nga immigrants nga magbiya sa Estados Unidos sang Amerika kadungan sang anunsyo sang pungsod nga i-terminate sini ang ila nga legal status.
Kaangot ini sa promisa ni President Donald Trump nga “largest deportation campaign” sa maragtas sang US sa tuyo nga tapnaon ang immigration ilabi na ang halin sa mga nasyon sa Latin America.
Ini nga mandu ang naga-apekto sa 532,000 Cubans, Haitians, Nicaraguans kag Venezuelans nga nagkadto sa United States sang si former President Joe Biden pa ang lider sang US.
Bangud sini nga order, madulaan sila sang legal protection 30 ka adlaw matapos ma-publish na ang mandu sang Department of Homeland Security sa Federal Register nga naka-schedule na sa Martes. Buot silingon sini, kinahanglan makabiya na sila antes ang Abril 24 magluwas lang kun maka-secure sila sang isa pa ka immigration status nga makatugot sa ila nga magpabilin sa US.
