Ginaduso sang Estados Unidos sa China kag Russia nga hambalon ang North Korea nga likawan na ang pagpang-garit-garit.
Ini ang kasunod sang pagpatigayon liwat sang North Korea sang intercontinental ballistic missile testing subong nga semana samtang yara sanday US President Joe Biden kag ang mga lider sang Western countries sa isa ka security summit sa Belgium kag nagaistorya kaangot sa response bangud sang Russia-Ukraine crisis.
Suno kay US State Department spokesperson Jalina Porter, “China and Russia should send a strong message to (North Korea) to refrain from additional provocations.”
Ini nga test ang ginpahayag ni North Korean leader Kim Jong Un nga gin-designar agud mag-demonstrate sang kabaskugon sang ila nga nuclear force kag agud nga mapunggan ang anuman nga lihok sang US military.
Ini ang una nga full ICBM test nga ginpatigayon sang North Korea halin sang 2017.
“We urge all countries to hold the DPRK accountable for such violations and we also call on the DPRK to come to the table for serious negotiations,” suno kay Porter bangud suno sa iya, paglapas ini sa UN Security Council resolutions. “We are in the early stages of consulting on this issue. There have been developments that should be of concern to all countries, particularly those who share a border with the DPRK. The DPRK’s decision to return to ICBM tests is a clear escalation.”
Kun matandaan, sang nag-launch ang North Korea sang ICBM sang 2017, napilitan ang UN Security Council nga magpataw sang sanctions.
Sa subong, ginalantaw nga indi maayo ang relasyon sang Estados Unidos kag sang kaalyado nga mga pungsod sa Russia kag China bangud sa away sa Ukraine, rason nga mabudlay ang pagpataw sang mga sanctions. ##
