Ginkumpirma sang Estados Unidos nga ginsakop sini ang isa ka oil tanker nga may Russian-flagged tanker may kaangtanan sa pagpadala sang langis sang Venezuela sa North Atlantic.
Bangud sini pila ka mga aircrafts sang militar ang nakit-an nga nagapalapit sa barko nga ginatawag Marinera.
May ginpaguwa man nga video ang Russian media nga nagapakita nga may warships sang Estados Unidos nga malapit sa tanker.
Base sa report padayon nga gina-monitor ang hulag sang tanker nga malapit sa Iceland.
Ginaakusahan ang barko nga nagalapas sa mga pagsulundan sang Estados Unidos kag illegal nga pagpadala sang krudo halin sa Iran.
Nahibaluan nga sang una ginagamit ang tanker sa pagpadala sang krudo halin Venezuela.
Suno pa sa report nga nagapadala ang Russia sang isa ka submarine kag iban pa nga sakayang-pandagat para maghatag sang escort sa tanker samtang ginatabok sini ang Atlantic Ocean.
Padayon nga ginabantayan sang mga awtoridad ang sitwasyon samtang nagapadayon ang tensiyon bangud sa problema sa oil trade.
