Ginkumpirma sang US Department of Defense nga iga-deploy sang Estados Unidos ang ila advanced military capabilities lakip na ang Navy-Marine Expeditionary Ship Interdiction System (NMESIS) kadungan sang Balikatan joint military exercise sa Pilipinas sa Abril subong nga tuig.
Magluwas diri, gamiton man ang anti-ship missile system kag ang highly capable unmanned surface vehicles.
Ginpahayag ini ni US Defense Secretary Pete Hegseth matapos ang iya meeting sa mga opisyal sa Pilipinas kag kay Philippine Defense Secretary Gilberto Teodoro Jr. kun paano mapabaskog ang depensa sa Indo-Pacific.
“First, we agreed that the United States will deploy additional advanced capabilities to the Philippines. This includes using the NMESIS, anti-ship missile system, and highly capable unmanned surface vehicles in exercise Balikatan this April,” kabahin sang statement ni Hegseth.
“These systems will enable US Forces and the Armed Forces of the Philippines to train together on using advanced capabilities to defend the Philippines’ sovereignty,” dugang sini.
Lakip man sa gin-istoryahan ang paggamit sang $500 million commitment sang US sa foreign military financing kag iban pa nga security assistance sa military modernization sang Pilipinas.
Paagi sa sini nga sistema suno kay Hegseth, tingob nga makahanas ang US Forces kag ang Armed Forces of the Philippines (AFP) sa paggamit sang advanced capabilities agud depensahan ang soberanya sang Pilipinas.
Gin-abi-abi naman ni Teodoro ang desisyon sang US para sa NMESIS deployment.
“The deployment of the NMESIS and other unmanned surface vehicles will hasten the introduction of these technologies into the vista of the Philippine Armed Forces and will train our troops for the higher technological capabilities that we need for effective deterrence in the future,” kabahin sang pahayag sang tiglikom.#
