Gin-anunsyo sang United States Indo-Pacific Command (USINDOPACOM) nga nagpadala ang Estados Unidos sang Amerika sang assets kag mga personnel agud nga magbulig sa relief operations sa Pilipinas matapos naglaslas sanday Bagyo Tino kag Uwan.
Suno sa USINDOPACOM, naga-trabaho ini kaupod sa Armed Forces of the Philippines (AFP) agud mapadasig ang pagbulig sa mga biktima sang bagyo.
Sa statement, ginsiling sini nga isa ini ka pagpakita sang commitment sang Estados Unidos bilang abyan, kaalyado, kag partner sang Pilipinas ilabi na sa tion sang kalamidad.
“The forward presence and ready posture of United States Indo-Pacific Command in the region facilitated a rapid and effective response to these natural disasters, demonstrating the US commitment as friends, allies, and partners during times of need,” suno sa USINDOPACOM.
“Working in close coordination with the AFP, Philippine National Disaster Risk Reduction and Management Council, Philippine Office of Civil Defense, Joint US Military Assistance Group, Task Force – Philippines, and US Department of State, the US military deployed a variety of assets and personnel to the Philippines to support with foreign disaster relief operations,” dugang sini.
Nag-umpisa ang US military sa pag-koordinar sang ila nga mission strategies kaupod sa Philippine government kag military agencies sang Nobyembre 5.
Matandaan nga naglaslas si Tino sang nagligad nga semana kun sa diin masobra 200 ang patay. Sa sini nga numero, masobra 100 ang halin sa Cebu. Pagkasunod nga adlaw, nagsulod man sa Philippine Area of Responsibility (PAR) si Uwan, nahimo nga super typhoon, kag nag-apektosang 4.5 million ka mga indibidwal suno sa Office of Civil Defense (OCD).#
