Patay ang isa ka myembro sang Islamic State Khorasan (IS-K) matapos ang drone strike nga ginpatigayon sang Estados Unidos sa Nangahar Province sa Afghanistan.
Nagapati ang US military nga ang napatay amo ang mismo planner sang Afghan branch sang Islamic state group.
Wala naman sang sibilyan nga napatay sa amo nga drone attack.
Ang IS-K amo ang sa likod sang pagpang-atake sa Kabul airport nga nagpatay sang 170 ka mga tawo lakip na ang 13 ka US troops.
Samtang, ginpahayag sang Taliban officials nga sila subong ang may kontrol sa pila ka bahin sang Hamid Karzai International Airport apang gina-claim naman sang Estados Unidos nga ang pwersa nila sa gihapon ang in-charge samtang nagapadayon ang evacuation.
Matandaan nga una na nagpaandam si US President Joe Biden, nga papason ang utok sa likod sang pagpamomba sa Kabul, Afghanistan.
