Nag-donar sang $31,000 ukon kapin P1.5 million ang US pop icon nga si Taylor Swift sa isa ka estudyante sa London agud nga maka-eskwela.
Suno sa Grammy-winning artist, nangin inspirado siya sa dedikasyon ni Mario nga maka-eskwela sa University of Warsick sa diin may online page nga nagapangayo sang donasyon para sa 18-anyos nga dalaga agud nga makakuha ini sang math degree.
Ginpahayag ni Mario nga nagsulat siya sa fundraising page sa diin iya ginpakigbahin nga nakakuha siya sang top grades sa iya nga eskwelahan kag gintanyagan nga ma eskwela sa University of Warwick apang indi makasarang ang iya ginikanan sa pagsuporta sang iya mga kinahanglanon.
Nangin tuman ka malipayon si Mario kag gintawag nga “blessing” nga mismo si Taylor Swift pa ang nagbulig sa iya.
