ILOILO CITY – Nagpanindugan ang White House nga wala ini nagapati nga i-reoccupy sang Israeli forces ang Gaza kasunod sang komento ni Israeli Prime Minister Benjamin Netanyahu nga ang pungsod ang may yara sang “overall security responsibility” sa indi matumod nga period sa tion nga matapos na ang inaway.
Suno kay National Security Council coordinator for strategic communications John Kirby, nagapati ang presidente nga ang reoccupation sang Gaza ang indi maayo para sa Israel kag sa mga tawo sa Israel.
Pahayag niya, ang isa sa mga gina-istoryahan ni Secretary of State Antony Blinken sa rehiyon amo ang natuhoy sa sitwasyon sa tion nga matapos na ang inaway ilabi na ang pang-gobyerno.
Suno sa iya, indi na ini mangin pareho sa sitwasyon sang Oktubre 6 kag indi man ini dapat nga pamunuan sang Hamas.
Ang pinakaulihi nga warning nagikan sa White House ang natabo matapos ginpahayag ni Netanyahu sang Lunes nga ang Gaza ang dapat nga pamunuan sang mga tawo nga indi luyag nga mapadayon ang pamaagi sang Hamas.
Pahayag niya, mahimo nga ang Israel ang magabulos sa indi mapat-od nga period.
