Ginmando ni US President Donald Trump ang pagpadala sang 800 ka myembro sang National Guard sa Washington D.C. bilang kabahin sang iya lihok batok sa nagataas nga kaso sang krimen sa lugar.
Ginsundan ini sang desisyon nga ibutang sa idalum sang federal control ang Washington police department agud mas mapa-ayo ang pagdumala sang seguridad sa kapital sang Amerika.
Suno kay Trump, sa sulod sang lima ka tuig, nagapadayon ang pagsaka sang krimen sa Washington D.C., kag ginpakita niya ang kapareho sini nga sitwasyon sa mga syudad sa Mexico kag iban pa nga mga pungsod.
Ginpahayag pa sang presidente nga kun kinahanglan gid, maga-deploy siya sang mga suldado agud malikawan ang paglala sang kahimtangan kag mapanubo ang krimen.
Nagapadayon ang reaksyon sang publiko sa nasambit nga tikang samtang ginabantayan sang mga pumuluyo ang mga masunod nga lihok sang administrasyon.
