Nangin successful ang ginpatigayon nga pag-estoryahanay sa telepono sa tunga nanday US President Donald Trump kag pila ka mga lider sang Europa, pila ka adlaw antes ang personal nga pagkitaay nanday Trump kag Russian President Vladimir Putin sa syudad sang Anchorage, Alaska.
Ginpabutyag ni Trump ang iya suporta sa patakaran ni Ukrainian President Volodymyr Zelensky nga nagapabaskug sang panawagan para sa isa ka ceasefire, agud masiguro ang seguridad sang mga sibilyan kag malikawan ang dugang nga kabudlayan sa tunga sang nagapadayon nga tensyon sa Europa.
Samtang, si German Chancellor Friedrich Merz nagsiling nga iya ginatipon ang suporta sang iban pa nga mga lider sang Europa para sa matuod-tuod nga kalinong kag diplomatiko nga paghangpanay sa sinapol sa tunga nanday Trump kag Putin.
Ginpasalig niya nga ang Europa mangin aktibo nga kabahin sa mga tikang para sa katawhayan sang rehiyon.
