Nagpaandam si US President Donald Trump nga tapuson sang Amerika ang paghatag sang suporta sa Iraq kun magbalik daog bilang Prime Minister si Nouri al-Maliki.
Si Maliki, nga may koneksyon sa Iran, amo ang ginpili sang alliance sang mga Shia-led parties bilang nominee para mangin punong ministro.
Apang ginpaandaman ni Trump nga sala ang desisyon kun pilion sang tawo si Maliki.
Ini bangud suno kay Trump, sang mga nagligad nga pagpamuno ni Maliki, nag-antos sang kapigaduhon ang Iraq kag nangin magamo ang pungsod.
Madumduman nga nagserbe si Maliki bilang Prime Minister sang Iraq halin 2006 tubtob 2014 kun sa diin ginmarkahan ini sang sectarian violence kag nanaog sa pwesto matapos ginsakop sang Islamic State ang dako nga bahin sang pungsod.
