Gin-anunsyo ni US President Donald Trump nga may yara na sang kompleto kag total nga ceasefire sa tunga sang Israel kag Iran.
Suno sa iya, nagsugtanay ang magtimbang nga bahin nga sugdan ang ceasefire pagkatapos sang anum ka oras.
Ginpanindugan sini nga nagsabat ang duha ka lider sang mga pungsod nga may yara sang “kumpleto kag bug-os” nga ceasefire.
Gindugang sini nga sugdan sang Iran ang ceasefire matapos ang 12 ka oras magasunod ang Israel tubtub sa opisyal nga pagtapos sang 12 ka adlaw nga gyera.
Ang paghambalanay natabo pagkatapos sang airstrike sang Iran sa isa ka base militar sang Estados Unidos sa Qatar.
Ginpasalamatan man ni President Trump ang Iran sa paghatag sang advance notice sa pag-atake sa US base sa Qatar.
Suno sa iya, gina-engganyo niya ang Iran nga makaangkon sang maayo nga dayalogo sa Israel.
Amo man ang iya himuon sa Israel agod palig-unon ini nga mag-istoryahanay sang kalinong.
Gindugang man sang presidente nga wala sang Amerikano nga napilasan kag bisan ang mga pasilidad wala man sang tuman nga kahalitan.
