USA– Ginkakas ni US President Donald Trump sa pwesto ang inspector General sang US State Department nga si Steve Linick.
Suno kay Trump, wala na siya sang kumpyansa kay Linick kag mangin epektibo ang pagpahalin pagkatapos sang 30 ka adlaw.
Antes pa man ginsapubliko ang pagkakas kay Linick sa pwesto, ginpahayag ni House Foreign Affairs Rep. Elliot Engel nga umpisahan na ang imbestigasyon kay US Secretary of State Mike Pompeo bangud sa ginapahayag pagwaslik-poder.
Suno naman sa Democrats, ang nasambit na tikang ni Trump ang makabig pagtimalos sa mga opisyal nga luyag magpatigayon sang imbestigasyon batok sa administrasyon.
