Ginpanginwala ni US President Donald Trump nga magagamit sila sang pwersa sa plano sini nga kontrolon ang Greenland.
Ini ang ginpahayag niya sa iya speech sa Davos, Switzerland kadungan sang World Economic Forum annual meeting.
Apang gin-athag niya nga wala sang iban nga pungsod ang magakuha sang teritoryo sa Denmark.
Suno sa iya, wala sang iban nga nasyon sa kalibutan ang yara sa posisyon mga makasarang nga mag-secure sang Greenland magluwas lang sa United States.
Pahayag niya, tuyo niya makapatigayon sang madasig nga negosayon agud liwat madiskusyunan ang acquisition sang United States sang Greenland.
Una na nagpaandam ang NATO nga ang strategy ni Trump sa Greenland ang sarang nga magbaliskad sang alyansa samtang ang mga leaders naman sang Denmark kag Greenland ang nagtanyag sang mga pamaagi para sa mas dako nga US presence sa strategic island territory nga ginapuy-an sang 57,000 ka mga tawo.
