Gintawag ni US President Donald Trump nga “talawit” ang mga kaalyado sa North Atlantic Treaty Organization ukon NATO bangud wala sang mga ini ginsapak ang iya panawagan para sa bulig militar kontra sa Iran agud makontrol ang Strait of Hormuz.
Ginpahayag ni Trump nga apisar nagasaka ang presyo sang produktong petrolyo bangod sa krisis, nagapadayon sa gihapon ang iban nga pungsod nga wala nagabulig.
Samtang, may pila naman ka mga pungsod nga nagpahayag nga handa sila maghatag sang kontribusyon, apang wala pa sila sang pormal nga commitment.
May ara naman sang iban nga pungsod nga naga hulat anay nga mag-untat ang gyera sa Middle East.
Sa subong, ginapahayag nga ang pagbalabag sang Iran nakaapekto sa dalagan sang mga barko nga may karga nga langis nagikan sa Strait of Hormuz.
Ini man ang rason ukon ang ginhalinan sang pagsaka sang presyo sang produktong petrolyo sa bug-os nga kalibutan.
