Magapasilabot si United States President Donald Trump sa pagpili sang masunod nga lider sang Iran.
Ini matapos nga napatay ang Supreme leader sang Iran nga si Ayatollah Ali Khamenei sa tunga sang pagpang-atake sang US kag Israel sa nasambit nga pungsod.
Ginpahayag pa sang Presidente nga maga-angkon ini sang dako nga impluwensya sa bag-o nga magapamuno sa Iran.
Ginpaangid man sini ang natabo sa Venezuela matapos nga gindakop sang US ang Presidente sini nga si Nicolas Maduro kag gindala sa New York kag nangin dako man ang impluwensiya sang Estados Unidos sa pagpili sang bag-o nga lider.
Wala naman ginabaton ni Trump ang posibilidad nga magabulos bilang Supreme Leader ang anak ni Khamenei nga si Mojtaba Khamenei.
Suno pa kay Trump nga naga-uyang lang sa tyempo ang mga naga-atipan sa bata ni Khamenei.
Dugang pa sini nga wala sini ginakonsidera ang administrasyon ni Reza Pahlavi, anay anak sang Shah sang Iran nga suno pa sa iya mas maayo nga naghalin sa sulod sang Iran ang masunod nga magapamuno sa nasambit nga pungsod.
