USA – Nag-host sang labing una nga public event si US President Donald Trump matapos ang COVID-19 diagnosis, isa ka semana na ang nakaligad.
Si Trump ang naghatag sang mensahe sa White House balcony sa atubang sang iya supporters.
Suno kay Trump, wala na siya nagatumar sang bulong kag ginahulat na lang ang resulta sang panibag-o nga COVID-19 test.
Nagaplano man ang Presidente nga magtambong sang big rally sa Florida sa masunod nga adlaw.
Nahibalu-an nga ginhatagan sang clearance sang mga doktor si Trump sa pagpatigayon sang public events, 24 ka adlaw antes ang presidential election sa Nobyembre 3 batok sa Democratic rival nga si Joe Biden.
