ILOILO CITY – Yara na sa maayo nga sitwasyon si US President Joe Biden matapos nga natumba sa bike sa isa ka state park malapit sa iya balay sa Rehoboth Beach, Delaware.
Suno sa opisyal sang White House, wala man sang medical attention nga kinahanglan.
Natumba si Biden matapos nga na-ipit sa pedal sang naghana nga magpundo sa grupo sang media kag sang mga tawo sa palibot.
Kaupod ni Biden ang iya asawa nga si Jill.
Ginpahayag naman ni Biden sa mga reporters nga maayo man ang iya nga sitwasyon.
Nagpalakpak naman ang mga tawo sang nagbangon ang presidente nga maga-edad na sang 80 sa Nobyembre.
Nakig-istorya pa ini sang pila ka minutos sa mga tawo sa lugar.
Sang ginpamangkot naman ini sang isa ka bata kun paano ang magpadalagan sang isa ka pungsod, nagsabat si Biden nga daw kaangay lamang ini sang iban nga trabaho kag may pila ka bahin nga mabudlay.
