ILOILO CITY – Ginpasalig ni US President Joe Biden nga iduso ang “more rational” approach sa gun regulation sa Estados Unidos.
Ini ang ginpahayag ni Biden sa haya sang mga napatay sa pinakaulihi nga mass shooting sa pungsod.
Una na nga nagbisita si Biden sa Uvalde Texas kun sa diin, 19 ka mga kabatan kag duha ka mga manunudlo ang napatay sang gunman sang naligad nga semana sa isa ka mass shooting sa elementary school.
Ang ini nga massacre ang makabig nga pinakadako nga school attack pagkatapos sang atake sa Sandy Hook Elementary School sa Newtown, Connecticut sang 2012 kun sa diin, 20 ka mga kabataan kag anum ka mga staff ang napatay.
Sang nagligad nga duha ka semana, pulo ang napatay sa Buffalo, New York nga nag-target sang African-Americans.
Sa pihak sang natabo nga mga mass shootings, nagapamalibad ang US Congress nga pabaskugon ang gun regulations sa pungsod.
Ginpahayag ni Biden nga wala pa siya naka-istorya sa Republicans.
Apang suno sa iya, sang gin-implementar ang mabaskog nga gun regulations, nagnubo ang numero sang mass murders.
