USA – Nagpositibo sa Coronavirus disease 2019 (COVID-19) si United States President Joe Biden.
Suno kay White House press secretary Karine Jean-Pierre, naga-eksperyensya si Biden sang mild symptoms sang balatian.
“The President presented this afternoon with upper respiratory symptoms, to include rhinorhea (runny nose) and non-productive cough, with general mailaise. He felt okay for his first event of the day, but given that he was not feeling better, point of care testing for COVID-19 was conducted, and the results were positive for the COVID-19 virus.”
Ang pagpositibo ni Biden sa COVID-19 ang kasunod sang pagkumpirma ni UnidosUS President and CEO Janet Murguía nga indi makatambong si Biden sa ila event sa diin ginalauman nga mahatag kuntani sang mensahe ang president.
Nahibaluan nga na-late si Biden sang isa ka oras kag tunga sa pagtambong sini kuntani sa nasambit nga conference nga sa ulihi, nakumpirma nga naglain ang pamatyag sini.
“I was just on the phone with President Biden. And he shared his deep disappointment at not being able to join us this afternoon. The president has been at many events as we all know and he just tested positive for Covid.”
Suno sa doctor ni Biden, nakabaton na ang presidente sang first dose sang Paxlovid, kag ma-isolate sa iya balay sa Rehoboth Beach, Delaware, santo man sa panugyan sang US Centers for Disease Control and Prevention.
