Ginkansela ni United States President Donald Trump ang ginalauman nga ikaduha nga hugnat sa pag-atake sini sa Venezuela bangud sa kooperasyon sang pungsod sa Estados Unidos.
Ini matapos ang isa ka semana nga military operation sini sa pagpahalin kay President Nicolas Maduro nga subong yara na sa kustodiya sang Estados Unidos kaupod ang asawa sini.
Una nga ginpahayag ni Trump nga handa ini nga magpatigayon sang mas daku nga ikaduha nga pag-atake kun kinahanglanon.
Suno kay Trump, nagapakig-angut ini sa Venezuela kag nagabuligay sila para sa pagpatukod sang imprastruktura sang krudo kag petrolyo.
Bangud sini suno sa iya, indi na kinahanglan ang ikaduha nga pag-atake apang magapabilin ang barko nga nagabantay sa kadagatan sang Venezuela para sa seguridad.
Nagpaguwa man ang Venezuela sang high-profile prisoners nga ginalantaw nga tanda sang ila paghingyo sang kalinong.
Suno pa kay Trump, plano sang Estados Unidos nga epektibo sini nga pamunuan ang pungsod kag indi pag-itakop ang posibilidad nga magapasilabot ini sa militar.
