Sa labing una nga kahigayunan, nakit-an si US President Donald Trump nga nagsuksok sang facemask sa publiko sang siya ang nag bisita sa military hospital.
Nagpadulong si Trump sa Walter Reed National Military Medical Center sa suburban Washington agud makit-an ang mga pilason nga service members kag health care providers nga nagatatap sa mga COVID-19 positive.
Antes pa man makapadulong si Trump sa ospital, nagpahayag na ini nga kinahanglan niya magsuksok sang mask bangud ospital ang iya kadto-an.
Nahibaluan nga wala gid sang ni-isa ka bes nga nagsuksok sang mask ang Presidente gikan sa mga news conferences, coronavirus task force updates, rallies kag mangin sa public events bangud nagapati ini nga mahina ang mangin panulokan sang tawo sa iya kun magsuksok siya sang facemask.
