Ginpasidunggan ni US President Donald Trump ang sports icon nga si Tiger Woods paagi sa Presidential Medal of Freedom.
Ang nasambit nga award ang pinakamataas nga pagpasidungog sa isa ka sibilyan sa Estados Unidos.
Suno kay Trump,ginakabig niya si Woods nga isa ka “true legend” nga gin- transform ang hampang nga golf kag nagbato sa sulod sang pila ka tuig agud makabalik bilang isa ka respetado nga personalidad sa golf.
Si Woods ang ikaapat nga golfer na nahatagan sang pagkilala kag pinakabata sa tanan.
Natabo ang seremonya sa White House Rose Garden.
Nahibaluan nga sanday Trump kag Woods ang madugay na nga mag-abyanay.
