Pormal na nga nagpanumpa si US Senator Marco Rubio sang Florida bilang Secretary of State sa idalom sang administrasyon ni President Donald Trump.
Unanimous nga gin-confirm sang US Senate si Rubio inoras matapos nanumpa si Trump kahapon, oras sa Estados Unidos.
Si Vice Presidente JD Vance ang nagpasumpa kay Rubio.
Sa iya pagpungko sa posisyon, ginsiling ni Rubio nga prayoridad niya ang kinahanglanon sang mga Amerikano sa mga foreign policies sa idalom ni Trump.
Suno sa iya, unahon sa mga polisa sang Trump administration ang promosyon sang kalinong.
Ang 53 anyos nga si Rubio nga isa ka Republican ang long-term member sang Senate foreign relations kag intelligence committees.
Siya isa ka mainit nga kritiko sang China kag isa ka advocate para sa Israel.
Si Rubio nga ang anak sang mga immigrants halin sa Cuba, ang pinakauna nga Amerikano nga may Hispanic origin nga mangalagad bilang top diplomat sang pungsod.
