Naghakot sang nagkalain-lain nga reaksyon ang pahayag sang isa ka senador sa Estados Unidos nga naga-engganyo nga patyon si Russian President Vladimir Putin agud nga matapos na ang problema sa Ukraine.
Ini amo ang Republican senator sang South Carolina nga si Senator Lindsey Graham.
Si Graham ang nakaserbe sa Kongreso sa Estados sa sulod sang masobra 20 na ka tuig. Suod ini nga kaalyado ni former president Donald Trump.
Antes ang iya pahayag nga dapat nga patyon si Putin, nagduso man siya sang resolution nga nagakondenar sa Russian president kag sang iya nga military commanders bangud sa ginkomiter sini nga “war crimes” kag “crimes against humanity.”
Kasunod sini, madasig naman ang Russian officials sa pag-atake kay Graham kag gintawag nga kriminal ang iya nga komento.
Nagdemanda man ang mga opisyal sang Russia sa US Government nga maghatag sang paathag kaangot sa pahayag sang amo nga senador.
Nangakig man ang Russian ambassador to the United States nga si Anatoly Antonov bangud indi sini mabaton ang statement sang senador.
