Ginpalupok sang United States ang ila Typhon mid-range capability (MRC) missile system sa Pilipinas sa labing-una nga tion.
Gin-test fire sang mga miyembro sang US Army Pacific-1st multi-domain task force kag sang Philippine Army Artillery Regiment ang Tomahawk cruise missile halin sa Typhon launcher samtang ginapatigayon ang Balikatan military exercises.
Ginkumpirmar sang Armed Forces of the Philippines (AFP) nga amo ini ang una nga bes nga gin-gamit ang US Typhon missile system halin sang nag-abot ini sa pungsod sang Abril 2024.
Suno kay Col. Dennis Hernandez, spokesperson sang Philippine side sang Balikatan, ginpalupad ang missile halin sa Tacloban alas 12:12 sang kaagahon kag naigo ang target sa Fort Magsaysay sa Laur, Nueva Ecija mga ala 1 sang kaagahon.
Isa lamang ka round ang ginpalupok kag ginlaragway niya ini bilang isa ka “precision-guided operation.”
Nahibaluan nga ginkaakig sang China ang presensya sang Typhon launcher sa pungsod kag nagpanawagan anay nga i-withdraw ini apang nagpamalibad ang Pilipinas sa pagtuman.#
 missile system sa Pilipinas sa labing-una nga tion.){kind=link}