Ginkumpirmar ni U.S. Vice President JD Vance nga ang Russia nagpakita sang “significant concessions” ukon pagpreparar sa pag-negosyar agud tapuson ang inaway sa Ukraine.
Sa isa ka interview sa “Meet the Press” sang Domingo (adlaw sang Amerika), gin-insister ni Vance nga ang Russia nangin “flexible” sa pila sang iya mga ngapanguna nga ginapangayo, lakip ang pagkilala sa soberanya sang Ukraine kag pagsikway sa pag-instalar sang isa ka puppet regime sa Kyiv.
Apisar nga wala sang plano nga pagsinapol sa tunga ni Russian President Vladimir Putin kag Ukrainian President Volodymyr Zelenskyy, ginhatagan pagtamod ni Vance nga ang administrasyon ni Trump seryoso sa diplomasya.
Wala man niya gindula ang posibilidad sang bag-o nga mga sanksyon batok sa Russia.
Samtang, sa isa ka separado nga interview, ang Russian Foreign Minister Sergey Lavrov nagsiling nga ginatahod nila si U.S. President Donald Trump kag ang Russia wala nagagamit sa iya, samtang ang mga lideres sang European Union ginaalegar nga nagabalabag sa kasugtanan.
