Katingalahan para kay Palace Press Officer Usec. Claire Castro kun ngaa padayun nga ginalakip sa diskusyon ni Atty. Nicolas Kaufman si Pres. Bongbong Marcos sa Confirmation of Charges hearing sa International Criminal Court bisan pa nga si Anay Presidente Rodrigo Roa Duterte ang iya kliyente.
Suno kay Castro, isa ini ka kaladlawan nga argumento kun ini amo ang iya depensa nahanungod sa mga kaso nga crimes against humanit nga ginapangatubang ni Duterte.
Ini matapos nga nagpahayag ang lead counsel ni Duterte nga si Atty. Nicholas Kaufman nga mas madamo ang numero sang mga napatay sa idalom sang administrasyon ni Marcos kun ini amo ang ikumpara sang si Duterte pa ang yara sa posisyon.
Dugang pa ni Castro, kun may ara sang mapresentar nga ebidensya ukon basehan si Kaufman sa iya alegasyon, kinahanglan ini nga imbestigaran sang mga awtoridad.
Madumduman nga subong nga adlaw, Pebrero 27, ang ika-apat ukon ulihi nga adlaw sang Confirmation of Charges hearing ni Duterte sa International Criminal Court nga maga-umpisa ala-5 subong nga hapon.
