MANILA – Makabig sa gihapon nga ‘manageable’ ang utang sang Pilipinas apisar sang COVID-19 pandemic.
Suno sa Bangko Sentral ng Pilipinas, naglab-ot sa P9 trillion ang national debt sa katapusan sang Hunyo kun sa diin 32% diri ang foreign debt.
Sang pag-umpisa sang 2020, naglab-ot sa P1.3 trillion ang utang sang Pilipinas suno sa Bureau of Treasury.
Apisar sini, ginpahayag ni BSP Governor Benjamin Diokno nga mahimo sa gihapon nga makapadayon sa pagbayad sang maturing foreign obligations ang Pilipinas bangud sa improved external debt nga naangkon sa sulod sang 20 ka tuig nga pagpatigayon sang critical structural reforms.
Magluwas sa maayo nga economic management, nakabulig sa ekonomiya ang reporma sa industry and foreign exchange liberalization, tax and debt management kag sa financial sector.
Antes ang ginpatigayon nga quarantine, ang Pilipinas ang yara sa robust external debt position.
