Nagdangat na sa 97.05 billion dollars ukon P4.7 trillion ang foreign debt ukon utang sang Pilipinas.
Suno kay Bangko Sentral ng Pilipinas Governor Benjamin Diokno, ang external nga utang sang pungsod ang nagsaka sa 19.2 percent halin sa 81.42 billion dollars nga utang sang nagligad nga tuig.
Pahayag pa niya, ang total outstanding debt kag gross domestic product ratio sang pungsod ang nagapabilin man nga mas manubo ipaanggid sa iban nga Association of Southeast Asian Nations (ASEAN) member countries.
Nahibaluan nga nag-utang ang national government sang dako nga balor sa foreign kag domestic creditors agud mabayaran ang budget deficit sang pungsod tuga sang pagsarurot sang ekonomiya kag pagkadula sang madamo nga trabaho kasunod sang COVID-19 pandemic.
