π ππ‘πππ βNaglakaak sa P15.347 trillon ang utang sang Pilipinas sang kataposan sang Mayo nga nagtaas sang 2.2% ukon P330.39 billion nga mas mataas kun ikumpara sa katapusan sang Abril nga P15.017 trillion.
Santo sa data nga ginpaguwa sang Bureau of the Treasury (BTr), nagsaka sa bag-o nga record-high tubtob sa katapusan sang Mayo sini nga tuig, bangud sa epekto sang pagnubo sang balor sang peso.
Ginpaathag man sang Bureau of the Treasury nga ang peso ang nagluya batok sa US dollar halin sa P57.58 sang katapusan sang Abril pakadto sa P58.52 sang katapusan sang Mayo.
Ang lokal nga yunit nagsunod sa 19-ka bulan nga pagnubo halin sang nagligad nga bulan, nga nagtulod man sa Bangko Sentral ng Pilipinas (BSP) nga magpasilabot sa foreign exchange market.
Kon isa-isahon, ang stock sang utang sa katapusan sang Mayo, ang ginabug-usan sang 68.04% nga domestic debt kag 31.96% nga external debt.
Sa partikular, ang domestic debt naglab-ot sa P10.442 trillion samtang ang foreign debt ang yara naman sa P4.904 trillion.
Ginpahayag man sang Bureau of the Treasury nga ang pagtaas sang domestic debt, sa 1.3% tagsa ka bulan, ang resulta sang P131.66 billion nga net issuance sang mga securities sang gobyerno kag ang P2.68 billion nga epekto sang peso depreciation sa foreign-currency denominated domestic debt.
Nahibaluan nga sang pagsugod sang 2024, ang domestic debt sang gobyerno nagtaas sang 4.2% ukon P424.91 billion samtang ang tuigan pagtaas yara sa 4.2% halin sa P9.588 trillion sang katapusan sang Mayo 2023.
Ang external debt naman ang nagtaas sang 4.2% sa tagsa ka bulan, samtang ang tuigan nga pagtaas ang nagkab-ot sa 7.4% halin sa P4.565 trillion.
