Nagnubo sang malapit dos porsyento ang utang sang Pilipinas sa katapusan sang Marso base sa ulihi nga report sang Bureau of the Treasury.
Halin sa P15.18-trillion nga utang sang katapusan sang Pebrero, nahimo ini nga P14.93-trillion sa end-March bangud nga nagbayad ang gobyerno sang pila ka obligasyon sa local kag foreign lenders.
Sa nabilin nga utang sang pungsod, 68.86 percent ang domestic debt samtang 31.14 percent naman ang foreign debt.
Nakit-an man sa report sang Treasury nga nagnubo ang domestic debt apang may pagsaka sa foreign debt bangud mas madamo ang utang sang national government sa luwas sang pungsod kag nagluya man ang balor sang peso kontra sa dolyar.
Kun balikan naman halin sang pamuno subong nga 2024, nagsaka sang P259.56 billion ukon 2.59 percent ang sa domestic debt; samtang may pagsaka naman sa external debt nga P49.89 billion ukon 1.09 percent.
