Nagtimbuok pa ang utang sang Pilipinas sa P15.89 trillion sa katapusan sang Septyembre.
Ini nga kantidad ang may 2.2% increase halin sa utang sang August 2024 nga yara na sa P15.55 trillion.
Suno sa Bureau of Treasury, “manageable” gihapon nga lebel ang amo sini kadaku nga utang bangud kadam-an diri ukon 68.8% ang nahulam man sa local lenders kag 31.2% lamang ang foreign debt.
Nagatupa ang domestic debt sa P10.93 trillion as of September 2024 nga may 1.3% increase halin sa domestic debt sang Agusto nga P10.79 trillion.
Sa pihak nga bahin, ang external liabilities naman ang nagdangat sa P4.95 trillion sang September 2024 nga may 4.2% increase halin sa P4.75 trillion sang Agusto.
Una na nga ginsiling ni Finance Secretary Ralph Recto nga ang sovereign debt sang Pilipins ang mahimo maglab-ot sa P20 trillion sa pagtakop sang termino ni President Ferdinand Marcos Jr. sa 2028.
Apisar sang nagapanglakaak nga utang, ginainsister sang economic managers nga masarangan gihapon ini sang Pilipinas bangud nagapadayon ang pagtubo sang ekonomiya sang pungsod.
