ILOILO CITY – Nagtimbuok pa ang utang sang Pilipinas kag na-set ang new record high.
Suno sa Bureau of the Treasury, ang utang sang pungsod ang nagdangat na sa P14.15 trillion nga nagsaka sang 0.4% nagikan sa P14.10 trillion nga utang sa katapusan sang Mayo.
Ang month-on-month increase ang bangud sa net issuance sang domestic securities.
Sa total balance, 68.6% ang domestic borrowings samtang ang nabilin nga 31.4% ang nagikan sa foreign sources.
Sa una nga quarter sang 2023, ang debt-to-gross domestic product ratio sang pungsod ang yara sa 61% nga mas manubo sa 63.5% sa una nga quarter sang 2022.
Target sang gobyerno nga mapanubo pa sa 60% sa 2025 ang debt-to-gross domestic product ratio, 51.1 percent sa 2028 kag mapanubu-an ang budget deficit sa 3.0% sang gross domestic product sa amo man nga tuig.
