Naglab-ot sa panibag-o nga record nga P18.49 trillion ang utang sang Pilipinas sang bulan sang Marso suno sa Bureau of the Treasury.
Nagdako ang kabilugan nga utang bangud sa paghina sang piso kag pagtaas sang pagpangutang sang pungsod.
Ang pinakaulihi nga record ang halos nagtaas sang 2 ka porsyento kun ikumparaar sa P18.16 trilyon nga na-record sang bulan sang Pebrero.
Suno sa Bureau of the Treasury, nagtaas ang domestic debt sa P12.53 trilyon ukon nagdugang sang P55.4 bilyon halin sang nakaligad nga mga binulan.
Nagapanguna nga rason sini amo ang net issuance sang government securities nga naglab-ot na sa P46.72 bilyon.
Dugang pa sang ahensya nga ang paghina sang piso ang nagdugang sang P8.68 bilyon nga balor sang mga utang nga nakabase sa foreign currency.
Samtang, padayon naman nga naka-eksperyenysya sang pressure ang piso sang bulan sang Marso bangud sa pagbaskog sang US dollar, kadungan man sa pag-lala sang tension sa Middle east.
