ILOILO CITY- Ginauyatan na subong sang defending champion nga Denver Nuggets ang 2-0 nga abanse batok sa Los Angeles Lakers sa round 1 sang Western Conference playoff series.
Ini matapos ginpierde sang Nuggets ang Lakers sa game 2 sa score nga 101-99.
Ginlagas sang Nuggets ang 20 points nga abanse sang Lakers kun sa diin nangin liyabe sa kadalag-an si Jamal Murray.
Ini bangud nga napasulod niya ang buzzer beater nga tira kag nakuha ang winning score nga 101-99.
Nanguna sa kadalag-an saang Nuggets si Nikola Jokic nga naghimo sang 27 points, 20 rebounds kag 10 assists.
Ini na ang 10 ka sunod- sunod nga daug sang Nuggets batok sa Lakers kalakip na ang sweep nila sang nakaligad nga season sa Western Conference Finals.
Samtang, ginaimbestigaran na sang National Basketball Association ang pagpanumbag sang utod ni Nikola Jokic nga si Strahinja Jokić, sa isa ka fan matapos ang kadalag-an sang Nuggets kontra sa Los Angeles Lakers.
Ang ginamo natabo matapos ang buzzer-beater ni Jamal Murray agud dal- on ang Nuggets sa 101-99 nga kadalag-an batok sa Lakers sa Game 2.
Sanday Strahinja kag Nemanja Jokić ang nakit-an nga nagapalapit sa duha ka lalaki kag didto na natabo ang pagtapungol.
