ILOILO CITY – Ginapahayag nga lunsay ulo ang igo sang 42 anyos nga lalaki nga ginluthang sang wala pa makilala nga suspek sa Brgy. Cuartero, Jaro, Iloilo City.
Sa interview sang Bombo Radyo kay anay Barangay Kagawad Henreycito Paclibar sang nasambit nga lugar, iya ginpahayag nga natabo ang insidente malapit lang sa ila balay.
Santo sa iya nahibalu-an, ang utod sang biktima nga si Alain Muller alyas Kano, 42, ang ginluthang-patay man sadto sang riding-in-tandem suspects.
Ginpahayag ni Paclibar nga wala gid niya naaktuhan ang insidente apang iya na lang nakita nga nagahamyangon ang biktima kag may mga basiyo sang sa higad sang dalan.
Santo sa mga impormasyon, sakay sa kotse ang suspek nga nagluthang sa biktima.
Gindala sa hospital ang biktima apang gindeklarar nga dead on arrival.
