Utod sang High Value Target sa Bakhaw, dakop sa drug buy bust operation

Dakop sa drug buy bust operation ang utod sang high value target sa Zone 4 Bakhaw, Mandurriao, Iloilo City.

Ang nadakpan amo si Cris Vincent Prevendido Jimena, 33 anyos, utod sang High Value Target nga si Ednie “Eping” Jimena kag kaupod sini nga si Chernev Santocildes Facto, 21 anyos sang San Isidro, Jaro, Iloilo City.

Nakuha sa duha ka mga lalaki ang pito ka sachets sang ginapatihan shabu kag P2,000 nga buy bust money.

Gin-panginwala naman ni Jimena nga nagabaligya siya sang iligal nga droga bangud ang iya trabaho lamang amo ang mag pa-utang sang kwarta sa sulod na sang 13 ka tuig.