Pagkaguba sang mata ang epekto sang Ultraviolet (UV) Light kag Blue Light suno sa medical eye expert.
Sa interview sang Bombo Radyo kay Dr. Jere Ledesma Cejar, isa ka Optometrist, iya ginpahayag nga kun matam-an ang mata sang isa ka tawo sang ultraviolet light kag blue light, ini ang nagaresulta sang insomnia ukon indi dali makatulog.
Suno kay Dr. Cejar, kun tuman ka exposed ang aton mata sang UV light sa diin makuha sa mga computer, cellphone kag iban pa nga gadget, ginapahina sini ang aton immune system pinaagi sa pagkakulang sa pagtulog sa diin delikado bangud sa pandemya nga nagakatabo subong nga panahon.
Ginrekomenda naman sang natungdan nga mahimo magamit sang mga eyeglasses sa diin may optical filters nga makaprotekta sa mata.
