Pahanugutan na nga makasulod sa Hong Kong umpisa sa Agusto 30 ang mga overseas Filipino workers (OFWs) nga nagpatublok sang COVID-19 vaccine diri sa Pilipinas.
Suno kay Labor Secretary Silvestre Bello III, sandig sa kumpirmasyon halin sa Hong Kong Government, pwede nga makasulod ang vaccinated OFWs sa amo nga lugar sa kondisyon nga may i-presentar gid nga vaccine cards nga gin-isyu sang Philippine Bureau of Quarantine.
Madumduman nga gindumilian anay sang Hong Kong nga makatapak sa ila nga jurisdiction ang mga Pinoy nga nagbaton sang COVID-19 vaccines diri sa Pilipinas.
Ini nga bag-o nga development ang makabulig sa 3,000 workers nga subong nagahulat na lang sang schedule agud ma-deploy na sa Hong Kong.
Ginabanta 210,000 tanan ang OFWs ang nagatrabaho bilang domestic helpers sa amo nga lugar. ##
