Indi pagpahanugutan nga makapartisipar sa pilot face-to-face classes ang mga manunudlo nga indi bakunado batok sa COVID-19.
Ini ang santo sa pagsulundan nga gin-aprubahan sang Department of Health (DOH) kag ni Department of Education (DepEd) chief Education Secretary Leonor Briones.
Suno kay DepEd Planning Service director Roger Masapol, nagakadapat nga fully vaccinated ang tanan nga school personnel, teachers kag non-teaching staff antes patigayunon ang face-to-face classes.
Pahayag niya, nagakadapat man nga indi magsobra sa 65 anyos ang edad sang mga manunudlo kag wala sang comorbidities.
Una na ginpahayag ni Health Secretary Francisco Duque III nga mahimo sa gihapon nga makatrabaho pinaagi sa distance ukon online module ang mga indi bakunado nga mga manunudlo.
