Magapadulong sa masunod nga semana sa syudad sang Iloilo sanday Presidential Spokesperson Atty. Harry Roque kag National Task Force against COVID-19 Chief Implementer kag Vaccine Czar Secretary Carlito Galvez Jr.
Sa interview sang Bombo Radyo kay Iloilo City Mayor Jerry Treñas, iya ginpahayag nga personal nga nagtawag sa iya sanday Roque kag Galvez nga magapadulong ang mga ini sa syudad.
Suno kay Treñas, nagpasalig si Galvez kag Roque nga respondehan kag pangitaan nila sang solusyon ang mga problema kag concern nga ginaatubang sang syudad kaangay sang mga masunod:
- Kulang nga COVID-19 vaccines;
- Kulang nga mga equipment sa tanan nga ospital sa syudad;
- Kulang nga medical personnel kag mga bulong; kag
- Utang sang PhilHealth sa pila ka mga ospital sang syudad kag sa Uswag Molecular Laboratory
Pahayag sang alkalde, lantawon pa niya kun matuod ang mga pasalig ni Roque kag Galvez sa tion nga mag-atubangay na sila nga tatlo sa masunod nga semana.
